نكت وضحك

الزوجة : يا حبيبى بتدوّر على إيه ؟
الزوج : و لا حاجة.
الزوجة: دا أنت بقالك ساعة بتقرأ قسيمة جوازنا.
الزوج : دا بس كنت بدور على تاريخ الانتهاء
______

سؤال : ما الفرق بين الأم و الزوجة؟
الإجابة: واحدة جابتك للدنيا بتعيط و التانية تضمنلك إنك هتفضل تعيط طول عمرك.
______
الزوجة : عايز تتعشى ؟
الزوج : طبعا ...ماذا أختار
الزوجة : أه أو لأ.
______

"الزوجة : إنت دايما شايل صورتى معاك و رايح بيها المكتب ...ليه؟
الزوج: لما بلاقى مشكلة مهما كانت معقدة ببص لصورتك ألاقيها اتحلت على طول.
الزوجة: شايف أنا أد إيه مهمة بالنسبالك.
الزوج: أيوة...ببص فى صورتك و أقول لنفسى " إيه المشكلة اللى ممكن تكون أكبر من دى؟!"
______

.البنت: لما نتجوز أنا عاوزة أشاركك فى كل مشاكلك و متاعبك و أخففها عنك.
الولد : لكن أنا ما عنديش مشاكل.
البنت: أيوه لإننا لسة ما اتجوزناش.
______


الابن : يا ماما لما كنا راكبين الأتوبيس أنا و بابا النهارده قاللى أدى مكانى لواحده ست واقفة.
الأم: انت عملت الصح يا حبيبى.
الابن : لكن أنا كنت قاعد على حجر بابا.
______


الزوج الجديد لزوجته: كنتى هتتجوزينى لو ما كانش بابا ساب لى كل الثروة دى.
الزوجة: يا حبيبى أنا كنت هتجوزك بغض النظر مين اللى ساب لك الثروة.
______
الأب بيقول لابنه بعد الامتحان: ورينى شهادة درجاتك.
الابن : صاحبى أخدها يخوف بيها باباه و مامته.
______


الصحفى للمليونير: لمن تعزو نجاحك كمليونير.
المليونير: أنا أعزو كل شيء لزوجتى.
الصحفى: يا لها من امرأة!! ماذا كانت حالتك قبل زواجها؟
المليونير : ملياردير
______


سألت زوجة زوجها: بتحب ايه أكتر فيّا.....وجهى الجميل أم جسمى المتناسق؟
فنظر إليها الزوج من تحت لفوق و قال : بحب روح الدعابة اللى فيكى.